ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

8 жніўня 2001 г. № 1176

Аб правядзенні перагавораў па праекту Пагаднення паміж Урадам Рэспублікі Беларусь і Кабінетам Міністраў Украіны аб аператыўным апавяшчэнні аб ядзернай аварыі і супрацоўніцтве ў галіне радыяцыйнай бяспекі

Савет Міністраў Рэспублікі Беларусь ПАСТАНАЎЛЯЕ:

Прыняць прапанову Міністэрства па надзвычайных сітуацыях, узгодненую з Міністэрствам замежных спраў і Міністэрствам юстыцыі, аб правядзенні перагавораў па праекту Пагаднення паміж Урадам Рэспублікі Беларусь і Кабінетам Міністраў Украіны аб аператыўным апавяшчэнні аб ядзернай аварыі і супрацоўніцтве ў галіне радыяцыйнай бяспекі.

Зацвердзіць указаны праект Пагаднення (прыкладаецца)* у якасці асновы для правядзення перагавораў.

______________________________

* Не рассылаецца.

Упаўнаважыць першага намесніка Міністра па надзвычайных сітуацыях Барыева Энвера Рызаевіча на правядзенне перагавораў па праекту Пагаднення, дазволіўшы ўносіць пры неабходнасці ў гэты праект змяненні і дапаўненні, якія не маюць прынцыповага характару.