ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

31 кастрычніка 2001 г. № 1567

Аб узнагароджанні Ганаровай граматай Савета Міністраў Рэспублікі Беларусь

Савет Міністраў Рэспублікі Беларусь ПАСТАНАЎЛЯЕ:

Узнагародзіць Ганаровай граматай Савета Міністраў Рэспублікі Беларусь:

за значны асабісты ўклад у развіццё фізікі неразбураючага кантролю, распрацоўку і ўкараненне на прадпрыемствах рэспублікі высокаадчувальных дэфектаскапічных матэрыялаў і тэхналогій, шматгадовую навукова-арганізацыйную і педагагічную дзейнасць намесніка дырэктара па навуковай рабоце Інстытута прыкладной фізікі Нацыянальнай акадэміі навук Беларусі, доктара фізіка-матэматычных навук Мігуна Мікалая Пятровіча;

за шматгадовую плённую навукова-даследчую і ўрачэбную дзейнасць, падрыхтоўку навуковых і ўрачэбных кадраў і ў сувязі з 80-годдзем з часу заснавання дзяржаўнай вядучай вышэйшай навучальнай установы «Беларускі дзяржаўны медыцынскі універсітэт» доктара медыцынскіх навук, прафесара, прарэктара па навуковай рабоце Кабака Сяргея Львовіча, кандыдата медыцынскіх навук, дацэнта, загадчыка кафедры фтызіяпульманалогіі Крываноса Паўла Сцяпанавіча, кандыдата медыцынскіх навук, начальніка аддзела пазабюджэтных навукова-даследчых і дагаворных работ Сержанкову Алену Мікалаеўну, доктара медыцынскіх навук, прафесара, загадчыка кафедры хвароб вуха, горла, носа Цімашэнку Паўла Андрэевіча.