ПАСТАНОВА МІНІСТЭРСТВА АДУКАЦЫІ РЭСПУБЛІКІ БЕЛАРУСЬ

30 мая 2001 г. № 36

Аб унясеннi змянення ў Прыкладнае палажэнне аб сярэдняй спецыяльнай навучальнай установе

У адпаведнасці з Палажэннем аб Міністэрстве адукацыі Рэспублікі Беларусь, зацверджаным пастановай Савета Міністраў Рэспублікі Беларусь ад 17 красавіка 1997 г. № 361, Міністэрства адукацыі Рэспублікі Беларусь ПАСТАНАЎЛЯЕ:

Пункт 13 Прыкладнага палажэння аб сярэдняй спецыяльнай навучальнай установе, зацверджанага загадам Міністра адукацыі Рэспублікі Беларусь ад 28 чэрвеня 1993 г. № 203 «Аб зацвярджэнні палажэнняў аб адукацыі і выхаваўчых установах і арганізацыях сістэмы адукацыі», выкласці ў наступнай рэдакцыі:

«13. Сярэдняя спецыяльная навучальная ўстанова дзейнічае на падставе статута, які распрацоўваецца ў адпаведнасці з грамадзянскім заканадаўствам Рэспублікі Беларусь і дадзеным Прыкладным палажэннем. Статут сярэдняй спецыяльнай навучальнай установы зацвярджаецца заснавальнікам. Дзяржаўная рэгістрацыя ствараемай (рэарганізуемай) сярэдняй спецыяльнай навучальнай установы як юрыдычнай асобы, змяненняў і дапаўненняў у статут сярэдняй спецыяльнай навучальнай установы ажыццяўляецца ў парадку, устаноўленым заканадаўчымі актамі.».