ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

27 кастрычніка 1999 г. № 1668

Аб выдзяленні грашовых сродкаў Міністэрству сельскай гаспадаркі і харчавання на частковую кампенсацыю затрат ільнозаводаў па выплаце працэнтаў па крэдытах банкаў, выданых для разлікаў з калгасамі, саўгасамі і іншымі сельскагаспадарчымі прадпрыемствамі за закупленую для рэспубліканскіх дзяржаўных патрэб ільносыравіну ўраджаю 1999 года

Савет Міністраў Рэспублікі Беларусь ПАСТАНАЎЛЯЕ:

Выдзеліць у 1999 годзе Міністэрству сельскай гаспадаркі і харчавання са сродкаў рэспубліканскага фонду падтрымкі вытворцаў сельскагаспадарчай прадукцыі і харчавання, прадугледжаных пастановай Савета Міністраў Рэспублікі Беларусь ад 25 сакавіка 1999 г. № 426 на расходы «Іншыя субсідыі на неадкладныя патрэбы», 153 585 млн. рублёў на частковую кампенсацыю затрат ільнозаводаў па выплаце працэнтаў па крэдытах банкаў, выданых для разлікаў з калгасамі, саўгасамі і іншымі сельскагаспадарчымі прадпрыемствамі за закупленую для рэспубліканскіх дзяржаўных патрэб ільносыравіну ўраджаю 1999 года.