ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

7 красавіка 2000 г. № 471

Аб зацвярджэннi Палажэння аб народным майстры

У адпаведнасці з Законам Рэспублікі Беларусь «Аб народным мастацтве, народных промыслах (рамёствах) у Рэспубліцы Беларусь» Савет Міністраў Рэспублікі Беларусь ПАСТАНАЎЛЯЕ:

3ацвердзіць прыкладзенае Палажэнне аб народным майстры.

 

ПАЛАЖЭННЕ
аб народным майстры

1. Дадзеным Палажэннем вызначаецца зацікаўленасць дзяржавы ў падтрымцы творчых асоб – носьбітаў этнічных традыцый, якія з’яўляюцца пераемнікамі і прадаўжальнікамі традыцый і мастацкага здабытку беларускай традыцыйнай культуры, захоўваюць і перадаюць наступнаму пакаленню тэхналогіі і мастацкія асаблівасці народных рамёстваў, а таксама ствараюць новыя мастацкія каштоўнасці, што ўзбагачаюць сучасную нацыянальную культуру Беларусі.

2. Творчая асоба, якой нададзены статус «Народны майстар», набывае пэўную грамадска-культурную значнасць, што дазваляе больш паспяхова і плённа ажыццяўляць творчую дзейнасць, мастацкую вытворчасць вырабаў народных промыслаў, перадаваць сваё майстэрства маладому пакаленню.