Парадак устанаўлення надбавак асобным вядучым майстрам мастацтваў Рэспублікі Беларусь

Надбаўкі да службовых акладаў устанаўліваюцца ў мэтах сацыяльнай падтрымкі і павышэння матэрыяльнай зацікаўленасці ў выніках працы асобных вядучых майстроў тэатральнага, музычнага, выяўленчага, харэаграфічнага і кінавідэамастацтва краіны, якія маюць ганаровыя званні, дзяржаўныя, міжнародныя ўзнагароды ці з’яўляюцца лаўрэатамі конкурсаў і фестываляў. Надбаўкі ўстанаўліваюцца за высокія творчыя дасягненні, шматгадовы плённы ўклад у развіццё нацыянальнага мастацтва рэспублікі.

Памер надбавак ад 50 да 100 працэнтаў службовых акладаў, разлічаных у адпаведнасці з устаноўленай Саветам Міністраў Рэспублікі Беларусь тарыфнай стаўкай першага разраду і каэфіцыентамі Адзінай тарыфнай сеткі ўстанаўліваецца загадам Міністра культуры Рэспублікі Беларусь на падставе рашэння калегіі Міністэрства па прадстаўленні прадпрыемстваў, арганізацый рэспубліканскага падпарадкавання, упраўленняў культуры аблвыканкамаў, Мінскага гарвыканкама, галіновых аддзелаў і ўпраўленняў Міністэрства культуры ў межах фонду аплаты працы творчых калектываў.