ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

26 чэрвеня 2006 г. № 806

Аб узнагароджанні работнікаў дзяржаўнай навуковай установы «Навукова-даследчы эканамічны інстытут Міністэрства эканомікі Рэспублікі Беларусь» Ганаровай граматай Савета Міністраў Рэспублікі Беларусь

Савет Міністраў Рэспублікі Беларусь ПАСТАНАЎЛЯЕ:

Узнагародзіць работнікаў дзяржаўнай навуковай установы «Навукова-даследчы эканамічны інстытут Міністэрства эканомікі Рэспублікі Беларусь» Ганаровай граматай Савета Міністраў Рэспублікі Беларусь:

Александровіча Якуба Мустафавіча, загадчыка аддзела метадалогіі і арганізацыі распрацоўкі прагнозаў і праграм, за навукова-метадычнае забеспячэнне і распрацоўку прагнозаў і праграм сацыяльна-эканамічнага развіцця Рэспублікі Беларусь і падрыхтоўку высокакваліфікаваных кадраў;

Багдановіча Анатолія Уладзіміравіча, першага намесніка дырэктара па навуковай рабоце, за значны асабісты ўклад у распрацоўку і забеспячэнне выканання Нацыянальнай стратэгіі ўстойлівага развіцця, прагнозаў і праграм сацыяльна-эканамічнага развіцця рэспублікі;

Крукава Льва Міхайлавіча, вядучага навуковага супрацоўніка сектара праблем навукі і інавацыйнай дзейнасці аддзела эканомікі, навукі і інавацыйнай дзейнасці, за распрацоўку стратэгічных канцэпцый, прагнозаў і праграм сацыяльна-эканамічнага развіцця Рэспублікі Беларусь і комплексных праграм навукова-тэхнічнага прагрэсу.