ЗАГАД МІНІСТЭРСТВА АДУКАЦЫІ І НАВУКІ РЭСПУБЛIКI БЕЛАРУСЬ

26 ліпеня 1995 г. № 299

Аб зацвярджэннi Палажэння аб парадку стварэння i расходавання сродкаў фонду матэрыяльнай дапамогi навучэнцам прафесiйна-тэхнiчных навучальных устаноў

З мэтай эфектыўнага выкарыстання сродкаў фонду матэрыяльнай дапамогi навучэнцам прафесiйна-тэхнiчных навучальных устаноў, якi ствараецца на падставе пастановы Савета Мiнiстраў Рэспублiкi Беларусь ад 22 лютага 1993 г. № 89 «Аб матэрыяльным забеспячэннi навучэнцаў прафесiйна-тэхнiчных вучылiшчаў i iндустрыяльна-педагагiчных тэхнiкумаў», ЗАГАДВАЮ:

1. Зацвердзiць узгодненае з Мiнiстэрствам фiнансаў Рэспублiкi Беларусь Палажэнне аб парадку стварэння i расходавання сродкаў фонду матэрыяльнай дапамогi навучэнцам прафесiйна-тэхнiчных навучальных устаноў.

2. Планава-эканамiчнаму ўпраўленню (Астроўская Н.А.) давесцi дадзенае палажэнне ўпраўленням адукацыi аблвыканкомаў, Мiнскага гарвыканкома i зацiкаўленым мiнiстэрствам i ведамствам да ведама i карыстання ў практычнай дзейнасцi.