ІНСТРУКЦЫЯ
па правядзенні атэстацыі і акрэдытацыі дашкольных устаноў Рэспублікі Беларусь

 

1. Агульныя палажэнні

1.1. Дадзеная Інструкцыя па правядзенні атэстацыі і акрэдытацыі дашкольных устаноў распрацавана ў адпаведнасці з патрабаваннямі Тыпавога палажэння аб атэстацыі і акрэдытацыі навучальных устаноў Рэспублікі Беларусь.

1.2. Яна вызначае адзіныя метадычныя падыходы да правядзення атэстацыі і акрэдытацыі дашкольных устаноў.

1.3. Атэстацыя дашкольных устаноў новага тыпу і іх акрэдытацыя праводзяцца Дзяржаўнай інспекцыяй навучальных устаноў, а астатніх – органамі кіравання, у падпарадкаванні якіх яны знаходзяцца, і пад арганізацыйна-метадычным кіраўніцтвам Дзяржаўнай інспекцыі навучальных устаноў.

1.4. На перыяд атэстацыі і акрэдытацыі органамі кіравання ствараецца камісія на чале са старшынёй і яго намеснікам, у склад якой уключаюцца: спецыялісты ў галіне дашкольнай педагогікі (работнікі метадычных кабінетаў, цэнтраў, дашкольных устаноў), псіхолагі, прадстаўнікі прадпрыемстваў, арганізацый, грамадскіх аб’яднанняў. Склад камісіі зацвярджаецца загадам адпаведнага органа кіравання.