ПАСТАНОВА МІНІСТЭРСТВА КУЛЬТУРЫ РЭСПУБЛІКІ БЕЛАРУСЬ

19 чэрвеня 2007 г. № 29

Аб унясенні дапаўненняў у пастанову Міністэрства культуры Рэспублікі Беларусь ад 8 снежня 2004 г. № 29

У адпаведнасці з Указам Прэзідэнта Рэспублікі Беларусь ад 19 красавіка 2007 г. № 190 «О порядке оценки стоимости культурных ценностей» і Палажэннем аб Міністэрстве культуры Рэспублікі Беларусь, зацверджаным пастановай Савета Міністраў Рэспублікі Беларусь ад 30 кастрычніка 2001 г. № 1558 «Вопросы Министерства культуры Республики Беларусь», Міністэрства культуры Рэспублікі Беларусь ПАСТАНАЎЛЯЕ:

1. Унесці ў Палажэнне аб Рэспубліканскім навукова-метадычным савеце па пытаннях музейнай справы, зацверджанае пастановай Міністэрства культуры Рэспублікі Беларусь ад 8 снежня 2004 г. № 29 (Национальный реестр правовых актов Республики Беларусь, 2005 г., № 21, 8/12041), наступныя дапаўненні:

пункт 3 дапоўніць абзацам наступнага зместу:

«прыняцце рашэнняў па скаргах на заключэнні камісій дзяржаўных музеяў рэспубліканскага або абласнога падпарадкавання аб ацэнцы кошту культурных каштоўнасцей, якія ўключаны ў Музейны фонд Рэспублікі Беларусь.»;