УКАЗ ПРЭЗІДЭНТА РЭСПУБЛІКІ БЕЛАРУСЬ

21 красавіка 1995 г. № 160

Аб арганізацыі абслугоўвання дыпламатычных прадстаўніцтваў і консульскіх устаноў замежных дзяржаў у Рэспубліцы Беларусь

З мэтай забеспячэння спрыяльных умоў для знаходжання дыпламатычных прадстаўніцтваў і консульскіх устаноў замежных дзяржаў у Рэспубліцы Беларусь пастанаўляю:

1. Кіраўніцтву справамі Прэзідэнта Рэспублікі Беларусь сумесна з Міністэрствам па кіраванню дзяржаўнай маёмасцю і прыватызацыі, Міністэрствам замежных спраў і Мінскім гарвыканкомам стварыць дзяржаўнае прадпрыемства «Дыпсэрвіс» па абслугоўванню дыпламатычных прадстаўніцтваў і консульскіх устаноў замежных дзяржаў у Рэспубліцы Беларусь.

2. Перадаць дзяржаўнае прадпрыемства «Дыпсэрвіс» у веданне Кіраўніцтва справамі Прэзідэнта Рэспублікі Беларусь.

3. Міністэрству фінансаў забяспечваць фінансаванне з рэспубліканскага бюджэту расходаў па развіццю матэрыяльнай базы дзяржаўнага прадпрыемства «Дыпсэрвіс», а таксама па абслугоўванню замежных дыпламатычных прадстаўніцтваў і консульскіх устаноў, якое ажыццяўляецца на прынцыпах узаемнасці бязвыплатна ці за плату ў паніжаным памеры.