Пагадненне паміж Урадам Рэспублікі Беларусь і Урадам Рэспублікі Польшча па пытаннях арганiзацыi перавозак

Уступіла ў сілу 30 сакавіка 1992 года

 

Урад Рэспублікі Беларусь і Урад Рэспублікі Польшча,

прымаючы да ўвагі ўзаемную зацікаўленасць у супрацоўніцтве транспартных ведамстваў,

лічачы мэтазгодным забяспечыць бесперашкодную арганізацыю перавозак грузаў на патрэбы Рэспублікі Беларусь праз тэрыторыю Рэспублікі Польшча, у прыватнасці праз польскія марскія парты,

пагадзіліся аб наступным:

Артыкул 1

1. Польскі Бок забяспечвае Беларускаму Боку спрыяльныя ўмовы для перавозак праз тэрыторыю Рэспублікі Польшча.

2. Беларускі Бок забяспечвае максімальны аб'ём грузаў для перавозак, аб якіх гаворыцца ў пункце 1.

3. З мэтай стварэння адпаведных эканамічных умоў для развіцця перавозак Бакі ўзгадняюць прымяненне адпаведных тарыфных скідак.