Пагадненне паміж Урадам Рэспублікі Беларусь і Урадам Кітайскай Народнай Рэспублікі аб гандлёва-эканамiчным супрацоўнiцтве

Уступіла ў сілу 20 студзеня 1992 года

 

Урад Рэспублікі Беларусь і Урад Кітайскай Народнай Рэспублікі, якія называюцца ў далейшым «Дагаворныя Бакі»,

у мэтах умацавання дружбы, супрацоўніцтва і развіцця гандлёва-эканамічных адносін паміж дзвюма краінамі,

кіруючыся пры ажыццяўленні ўзаемных эканамічных сувязей прынцыпамі раўнапраўя і ўзаемнай выгады,

заключылі дадзенае Пагадненне і дамовіліся аб наступным:

Артыкул 1

Дагаворныя Бакі прымуць усе неабходныя меры для садзейнічання бесперапыннага і стабільнага развіцця гандлёва-эканамічных адносін паміж дзвюма краінамі і створаць для гэтага спрыяльныя ўмовы.

Артыкул 2

Дагаворныя Бакі ўзаемна прадаставяць рэжым найбольшага спрыяння ў пытаннях, што датычыцца спагнання мытных пошлін на экспартныя і імпартныя тавары абедзвюх краін, іншых збораў, аплат, правіл мытнага кіравання і выканання мытных фармальнасцей.