Пагадненне між Урадам Рэспублікі Беларусь і Урадам Украіны аб супрацоўнiцтве па пагранiчных i мытных пытаннях

Уступіла ў сілу 17 снежня 1992 года

 

Урад Рэспублікі Беларусь і Урад Украіны, надалей Бакі,

паважаючы суверэнітэт і тэрытарыяльную цэласнасць адзін аднаго,

імкнучыся вырашаць пагранічныя і мытныя пытанні ў духу супрацоўніцтва, узаемаразумення і добрасуседства,

пагадзіліся ў наступным:

Артыкул 1

Бакі створаць у 1992 годзе Сумесную камісію для правядзення дэлімітацыі і дэмаркацыі беларуска-украінскай дзяржаўнай граніцы.

Артыкул 2

Пакуль будуць заключаны адпаведныя дагаворы аб дзяржаўнай граніцы, Бакі згодна з артыкулам 6 Дагавора паміж Беларускай Савецкай Сацыялістычнай Рэспублікай і Украінскай Савецкай Сацыялістычнай Рэспублікай ад 29 снежня 1990 г. згадзіліся лініяй граніцы паміж Рэспублікай Беларусь і Украінай лічыць існуючую цяпер граніцу.