Мемарандум аб супрацоўніцтве паміж Канстытуцыйным Судом Рэспублікі Беларусь і Канстытуцыйным Судом Украіны

Уступіў у сілу 22 ліпеня 2008 года

 

Канстытуцыйны Суд Рэспублікі Беларусь і Канстытуцыйны Суд Украіны (далей – Бакі),

прызнаючы імкненне канстытуцыйных судоў абедзвюх дзяржаў развіваць супрацоўніцтва ў галіне канстытуцыйнага правасуддзя з мэтай далейшага пашырэння ўсебаковых добрасуседскіх узаемавыгадных адносін і наяўнасць дастатковых падстаў для далейшага развіцця супрацоўніцтва паміж двума Бакамі,

адзначаючы важную ролю органаў канстытуцыйнага кантролю ў зацвярджэнні вяршэнства права і абароны асноўных правоў і свабод грамадзян,

дзейнічаючы ў мэтах абмену вопытам органаў канстытуцыйнай юрысдыкцыі абедзвюх дзяржаў у галіне забеспячэння абароны і рэалізацыі канстытуцый,

дамовіліся аб наступным.

Артыкул 1

Бакі падтрымліваюць адносіны на аснове прынцыпаў узаемнай павагі, незалежнасці, даверу і супрацоўніцтва.