Пагадненне паміж Урадам Рэспублікі Беларусь і Урадам Рэспублікі Польшча аб мiжнародных аўтамабiльных зносiнах

Уступіла ў сілу 28 снежня 1992 года

 

Урад Рэспублікі Беларусь і Урад Рэспублікі Польшча, якія ў далейшым называюцца «Дагаворныя Бакі», жадаючы спрыяць развіццю перавозак аўтамабільным транспартам пасажыраў і грузаў паміж абедзвюма краінамі, а таксама транзітам праз іх тэрыторыі,

дамовіліся аб наступным:

Артыкул 1
Сфера прымянення

1. Умовы дадзенага Пагаднення рэгламентуюць перавозкі пасажыраў і грузаў, утвораных або прызначаных на тэрыторыю аднаго Дагаворнага Боку, транзітам праз яго тэрыторыю ў трэцюю дзяржаву, з тэрыторыі другога Дагаворнага Боку і наадварот, якія выконваюцца транспартнымі сродкамі, зарэгістраванымі на тэрыторыі аднаго з Дагаворных Бакоў.

2. Ні адна з умоў дадзенага Пагаднення не дазваляе перавозчыкам аднаго Дагаворнага Боку выконваць перавозкі пасажыраў або грузаў паміж двума пунктамі, якія знаходзяцца на тэрыторыі другога Дагаворнага Боку.