Пагадненне паміж Урадам Рэспублікі Беларусь і Урадам Латвійскай Рэспублікі аб дзейнасцi пагранiчных упаўнаважаных

Уступіла ў сілу 7 верасня 1995 года

 

Урад Рэспублікі Беларусь і Урад Латвійскай Рэспублікі, якія далей называюцца Бакамі,

жадаючы садзейнічаць далейшаму развіццю добрасуседскіх адносін паміж нашымі дзяржавамі

і ў мэтах падтрымкі правапарадку, урэгулявання інцыдэнтаў на дзяржаўнай граніцы паміж Рэспублікай Беларусь і Латвійскай Рэспублікай, а таксама вырашэння ўсіх пагранічных пытанняў, якія ўзнікаюць,

пагадзіліся аб ніжэйпададзеным:

Артыкул 1

Для выканання палажэнняў дадзенага Пагаднення кожны Бок назначае Пагранічнага ўпаўнаважанага і яго намеснікаў.

Намеснікі Пагранічнага ўпаўнаважанага карыстаюцца ўсімі правамі, прадастаўленымі Пагранічнаму ўпаўнаважанаму, калі яны выступаюць у яго якасці.

Прозвішчы і імёны пагранічных упаўнаважаных і іх намеснікаў, месцы іх афіцыйнага прабывання і ўчасткі дзейнасці паведамляюцца па дыпламатычных каналах.