Пагадненне паміж Рэспублікай Беларусь і Каралеўствам Данія аб мiжнародных аўтамабiльных перавозках пасажыраў i грузаў

Уступіла ў сілу 7 чэрвеня 1997 года

 

Рэспубліка Беларусь і Каралеўства Данія, якія называюцца далей «Дагаворныя Бакі», Урады якіх,

жадаючы садзейнічаць аўтамабільным перавозкам пасажыраў і грузаў паміж дзвюма дзяржавамі, а таксама транзітам праз іх тэрыторыі ў трэція дзяржавы,

пагадзіліся аб наступным:

І. ПАСАЖЫРСКІЯ ПЕРАВОЗКІ

Артыкул 1

1. Пасажырскія перавозкі, якія ажыццяўляюцца аўтатранспартнымі сродкамі за свой кошт або за кошт трэціх асоб паміж дзвюма дзяржавамі або транзітам праз іх тэрыторыі, акрамя тых, якія азначаны ў Артыкуле 3, выконваюцца на падставе дазволаў.

2. «Пасажырскі транспартны сродак» азначае любы транспартны сродак з механічным прывадам, які мае больш чым дзевяць месцаў, уключаючы месца вадзіцеля, і які зарэгістраваны ў адным з Дагаворных Бакоў.