Пагадненне паміж Урадам Рэспублікі Беларусь і Урадам Латвійскай Рэспублікі аб супрацоўнiцтве па пагранiчных пытаннях

Уступіла ў сілу 18 жніўня 1993 года

 

Урад Рэспублікі Беларусь і Урад Латвійскай Рэспублікі, якія далей называюцца «Бакі»,

кіруючыся агульнапрызнанымі прынцыпамі і нормамі міжнароднага права і паважаючы суверэнітэт і тэрытарыяльную цэласнасць дзвюх дзяржаў,

выказваючы прыхільнасць палажэнням Заключнага Акта Нарады па бяспецы і супрацоўніцтву ў Еўропе, а таксама палажэнням Дэкларацыі аб прынцыпах добрасуседскіх адносін паміж Рэспублікай Беларусь і Латвійскай Рэспублікай ад 16 снежня 1991 года,

імкнучыся да вырашэння пагранічных пытанняў у духу супрацоўніцтва, узаемапаразумення і добрасуседства,

пагадзіліся аб наступным:

Артыкул 1

Пры вырашэнні пытанняў, прадугледжаных гэтым Пагадненнем, Бакі да заканчэння дэмаркацыі беларуска-латвійскай дзяржаўнай граніцы будуць зыходзіць з лініі адміністратыўнай граніцы паміж Рэспублікай Беларусь і Латвійскай Рэспублікай, якая супадае з латвійскай дзяржаўнай граніцай на ўчастку, які разглядаецца па стану на 16 чэрвеня 1940 года.