Пагадненне паміж Урадам Рэспублікі Беларусь і Урадам Украіны аб супрацоўнiцтве ў галiне аховы прамысловай уласнасцi

Уступіла ў сілу 20 кастрычніка 1993 года

 

Урад Рэспублікі Беларусь і Урад Украіны, называемыя ў далейшым Бакамі,

жадаючы развіваць гандлёвы абмен, а таксама эканамічнае, прамысловае, навуковае і тэхнічнае супрацоўніцтва,

разумеючы неабходнасць палягчэння працэдуры падачы і разгляду заявак на выдачу ахоўных дакументаў заяўнікаў Рэспублікі Беларусь на Украіне, і заяўнікаў Украіны ў Рэспубліцы Беларусь, і

імкнучыся ажыццяўляць і развіваць супрацоўніцтва ў галіне прававой аховы і выкарыстання аб'ектаў прамысловай уласнасці на аснове ўзаемнай выгады і роўнасці,

пагадзіліся аб ніжэйшым:

Артыкул 1

Пры падачы заявак на выдачу ахоўных дакументаў, атрыманні ахоўных дакументаў і падтрыманні іх у сіле заяўнікі і патэнтныя павераныя абедзвюх дзяржаў на аснове прынцыпаў узаемнасці могуць весці справы непасрэдна з патэнтнымі ведамствамі Бакоў.