Пагадненне аб супрацоўніцтве паміж Міністэрствам культуры Рэспублікі Беларусь і Міністэрствам культуры Рэспублікі Куба ў галіне культуры і мастацтва

Уступіла ў сілу 15 верасня 1997 года

 

Міністэрства культуры Рэспублікі Беларусь і Міністэрства культуры Рэспублікі Куба, якія далей называюцца Бакамі,

жадаючы ўмацоўваць узаемаразуменне і паглыбляць раўнапраўнае супрацоўніцтва,

упэўненыя, што супрацоўніцтва ў галіне культуры прызвана садзейнічаць збліжэнню і ўзаемаразуменню паміж беларускім і кубінскім народамі,

пагадзіліся аб ніжэйпададзеным:

Артыкул 1

Бакі абавязваюцца ствараць спрыяльныя ўмовы для супрацоўніцтва ў галіне культуры і мастацтва.

Артыкул 2

Бакі на аснове двухбаковых праектаў будуць садзейнічаць арганізацыі гастроляў і выступленняў тэатральных, музычна-выканаўчых калектываў, абмену мастацкімі выстаўкамі і музейнымі экспанатамі, правядзенню фестываляў, конкурсаў, канферэнцый, семінараў і іншых мерапрыемстваў у галіне прафесійнага мастацтва і народнай творчасці.