Пагадненне аб супрацоўніцтве ў галіне культуры паміж Міністэрствам культуры Рэспублікі Беларусь і Міністэрствам культуры Украіны

Уступіла ў сілу 10 лютага 1993 года

 

Міністэрства культуры Рэспублікі Беларусь і Міністэрства культуры Украіны, далей называемыя «Бакамі», абапіраючыся на традыцыі добрасуседства паміж Беларусью і Украінай, імкнучыся іх працягваць і берагчы; умацоўваючы ўзаемаразуменне і пашыраючы супрацоўніцтва, заснаванае на павазе і неўмяшанне ў справы культуры другога Боку; будучы ўпэўненымі, што раўнапраўнае супрацоўніцтва ўзбагачае родныя культуры і з’яўляецца асабліва важным для ўмацавання згоды і сяброўства паміж беларускім і ўкраінскім народамі; улічваючы інтарэсы беларусаў, пражываючых на Украіне, і інтарэсы ўкраінцаў, пражываючых на Беларусі; кіруючыся палажэннямі заключнага акта Нарады па бяспецы і супрацоўніцтву ў Еўропе ад 1 жніўня 1975 года, Парыжскай хартыі для новай Еўропы ад 21 лістапада 1990 года, а таксама іншых дакументаў Нарады па бяспецы і супрацоўніцтву ў Еўропе; прымаючы да ўвагі палажэнні Еўрапейскай канвенцыі па пытаннях культуры, падпісанай 19 снежня 1954 года ў Парыжы; улічваючы, што Беларусь і Украіна маюць у многім агульную гісторыю, найлепшай традыцыяй якой з’яўляецца суіснаванне і ўзаемаўзбагачэнне культур, складаюць і падпісваюць гэтае Пагадненне.