Пагадненне паміж Урадам Рэспублікі Беларусь і Урадам Чэшскай Рэспублікі аб бязвiзавых паездках грамадзян*

__________________________

*Ратыфікавана Законам Рэспублікі Беларусь ад 7 лютага 1997 г. «Аб ратыфікацыі Пагаднення паміж Урадам Рэспублікі Беларусь і Урадам Чэшскай Рэспублікі аб бязвізавых паездках грамадзян» (Ведамасці Нацыянальнага сходу Рэспублікі Беларусь, 1997г., №12, ст.230).

 

Урад Рэспублікі Беларусь і Урад Чэшскай Рэспублікі (надалей – «Бакі»),

кіруючыся жаданнем развіваць дружалюбныя адносіны паміж дзвюма дзяржавамі,

пагадзіліся аб наступным:

Артыкул 1

Грамадзяне дзяржавы аднаго Боку, якія з’яўляюцца ўладальнікамі сапраўдных дакументаў, што пералічаны ў Дадатку да гэтага Пагаднення, могуць заязджаць, выязджаць, праязджаць транзітам і знаходзіцца на тэрыторыі дзяржавы другога Боку без віз тэрмінам да трыццаці дзён, калі мэтай знаходжання не з’яўляецца аплачваемая працоўная дзейнасць.