Пратакол аб супрацоўніцтве паміж Міністэрствамі замежных спраў Рэспублікі Беларусь і Латвійскай Рэспублікі

Уступіў у сілу 7 красавіка 1992 года

Міністэрства замежных спраў Рэспублікі Беларусь і Міністэрства замежных спраў Латвійскай Рэспублікі, якія далей называюцца «Бакі»,

грунтуючыся на Дэкларацыі аб прынцыпах добрасуседскіх адносін паміж Рэспублікай Беларусь і Латвійскай Рэспублікай,

зыходзячы з жадання далейшага развіцця адносін у адпаведнасці з літарай і духам Статута ААН, Хельсінкскага Заключнага акта, Парыжскай хартыі для новай Еўропы і другіх дакументаў Нарады па бяспецы і супрацоўніцтву ў Еўропе,

а таксама ўлічваючы зацікаўленасць Бакоў ва ўзаемавыгадным і раўнапраўным супрацоўніцтве на доўгатэрміновай і стабільнай аснове, дамовіліся аб ніжэйпададзеным:

1. Бакі дамовіліся забяспечыць на ўзаемнай аснове рэгулярны і аператыўны абмен інфармацыяй аб дзейнасці парламентаў і ўрадаў.