ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

12 верасня 2011 г. № 1214

Аб наданні статусу і катэгорый гісторыка-культурнай каштоўнасці, пазбаўленні статусу гісторыка-культурнай каштоўнасці і ўнясенні змяненняў і дапаўненняў у некаторыя пастановы Савета Міністраў Рэспублікі Беларусь

У адпаведнасці з артыкуламі 16 і 23 Закона Рэспублікі Беларусь ад 9 студзеня 2006 года «Аб ахове гісторыка-культурнай спадчыны Рэспублікі Беларусь» Савет Міністраў Рэспублікі Беларусь ПАСТАНАЎЛЯЕ:

1. На падставе рашэнняў Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры надаць статус і катэгорыі гісторыка-культурнай каштоўнасці матэрыяльным аб’ектам згодна з дадаткам 1 і нематэрыяльным праяўленням творчасці чалавека згодна з дадаткам 2.

2. Пазбавіць на падставе заключэння Беларускай рэспубліканскай навукова-метадычнай рады па пытаннях гісторыка-культурнай спадчыны пры Міністэрстве культуры статусу гісторыка-культурнай каштоўнасці будынак па вул. Леніна, 24, у г. Кобрыне Брэсцкай вобласці, іканастас капліцы ў складзе царквы Раства Багародзіцы са званіцай у в. Ляхаўцы Маларыцкага раёна Брэсцкай вобласці, стаянку-3 перыяду неаліту і стаянку-4 перыяду неаліту і ранняга жалезнага веку ў в. Моталь, Успенскую царкву ў в. Рудск Іванаўскага раёна Брэсцкай вобласці, каменны могільнік у в. Вострава, стаянкі перыяду мезаліту ў в. Зальвяны, гарадзішча перыяду сярэднявечча ў в. Маскалі, гарадзішча ў в. Навасёлкі, стаянку перыяду неаліту і бронзавага веку ў в. Пацавічы Мастоўскага раёна Гродзенскай вобласці.