ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

17 верасня 2011 г. № 1245

Аб мерапрыемствах, прысвечаных 100-годдзю з дня нараджэння Максіма Танка

У мэтах арганізацыі шырокага святкавання ў 2012 годзе 100-годдзя з дня нараджэння выдатнага беларускага паэта Максіма Танка Савет Міністраў Рэспублікі Беларусь ПАСТАНАЎЛЯЕ:

1. Зацвердзіць прыкладзеныя:

план мерапрыемстваў, прысвечаных 100-годдзю з дня нараджэння Максіма Танка;

склад рэспубліканскага арганізацыйнага камітэта па правядзенню мерапрыемстваў, прысвечаных 100-годдзю з дня нараджэння Максіма Танка (далей – рэспубліканскі арганізацыйны камітэт).

2. Рэспубліканскаму арганізацыйнаму камітэту сумесна з зацікаўленымі забяспечыць рэалізацыю плана мерапрыемстваў, названага ў абзацы другім пункта 1 дадзенай пастановы.

3. Рэспубліканскім органам дзяржаўнага кіравання, аблвыканкамам, Мінскаму гарвыканкаму аказваць садзейнічанне рэспубліканскаму арганізацыйнаму камітэту ў правядзенні мерапрыемстваў, прысвечаных 100-годдзю з дня нараджэння Максіма Танка.