ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

6 студзеня 2012 г. № 17

Аб зацвярджэнні Дзяржаўнай праграмы «Замкі Беларусі» на 2012–2018 гады

Савет Міністраў Рэспублікі Беларусь ПАСТАНАЎЛЯЕ:

1. Зацвердзіць прыкладзеную Дзяржаўную праграму «Замкі Беларусі» на 2012–2018 гады (далей – Дзяржаўная праграма).

2. Вызначыць:

заказчыкамі Дзяржаўнай праграмы Міністэрства культуры, аблвыканкамы і Мінскі гарвыканкам;

заказчыкам – каардынатарам Дзяржаўнай праграмы Міністэрства культуры.

3. Заказчыкі Дзяржаўнай праграмы ў межах сваёй кампетэнцыі:

ажыццяўляюць кантроль за выкананнем мерапрыемстваў Дзяржаўнай праграмы;

штогод да 10 лютага прадстаўляюць у Міністэрства культуры справаздачы аб ходзе рэалізацыі Дзяржаўнай праграмы.

4. Міністэрства культуры штогод на аснове справаздач, прадстаўленых заказчыкамі Дзяржаўнай праграмы, да 25 лютага ўносіць у Савет Міністраў Рэспублікі Беларусь інфармацыю аб ходзе выканання Дзяржаўнай праграмы.