ПАСТАНОВА САВЕТА МІНІСТРАЎ РЭСПУБЛІКІ БЕЛАРУСЬ

25 студзеня 2016 г. № 51

Аб зацвярджэнні рэспубліканскага плана мерапрыемстваў па правядзенні ў 2016 годзе Года культуры

У адпаведнасці з пунктам 2 Указа Прэзідэнта Рэспублікі Беларусь ад 28 снежня 2015 г. № 522 «Аб аб’яўленні 2016 года Годам культуры» Савет Міністраў Рэспублікі Беларусь ПАСТАНАЎЛЯЕ:

1. Зацвердзіць прыкладзены рэспубліканскі план мерапрыемстваў па правядзенні ў 2016 годзе Года культуры (далей – рэспубліканскі план).

2. Адказным за каардынацыю работы па выкананні рэспубліканскага плана вызначыць Міністэрства культуры.

3. Рэспубліканскім органам дзяржаўнага кіравання і іншым дзяржаўным арганізацыям, падпарадкаваным Ураду Рэспублікі Беларусь, аблвыканкамам і Мінскаму гарвыканкаму прадстаўляць у Міністэрства культуры інфармацыю аб ходзе выканання рэспубліканскага плана за першае паўгоддзе – да 10 ліпеня 2016 г., за год – да 10 студзеня 2017 г.